Весткі рэгіёна: Дзятлаўшчына

ЧАРНОБЫЛЬСКІ БОЛЬ ВІКТАРА ЯРАША

У Мінску праходзіла прэзентацыя чацвёртага выдання кнігі “Чарнобыльскі боль”, дзе сабраны ўспаміны ўдзельнікаў ліквідацыі паследкаў аварыі на Чарнобыльская атамнай электрастанцыі. Запрашэнне на мерапрыемства атрымаў Віктар Мікалаевіч Яраш з аграгарадка Лявонавічы. Ён працаваў у забруджанай зоне, і ў кнізе ёсць яго ўспаміны.

СЕЗОННАЯ ЗАНЯТАСЦЬ МОЛАДЗІ

Восем сельгаскааператываў Дзятлаўшчыны прапанавалі моладзі працаваць у летні час. Хлопцы і дзяўчаты могуць быць заняты ў час жніва на збожжатаках і збожжасушылках, быць памочнікамі камбайнераў, дапамагчы на праполцы цукровых буракоў і агародніны.

ЛЕТА – У ЛЕТНІКАХ

На працягу лета на Дзятлаўшчыне будуць працаваць трыццаць летнікаў. Там змогуць адпачыць і ўмацаваць здароўе каля 1000 дзятлаўскіх школьнікаў. Тры змены будзе прымаць мясцовых дзяцей і прыезджых аздараўленчы летнік “Баравічок”.
Праведзены пажарнай службай маніторынг летнікаў паказаў гатоўнасць устаноў дзіцячага адпачынку да летняга сезону.

БУККРОСІНГ ДЛЯ ПАЖЫЛЫХ

Акцыя “Буккросінг” ладзіцца з ініцыятывы раённага таварыства “Чырвонага Крыжа”. Першыя ў гэтым мерапрыемстве паўдзельнічалі наведвальнікі аддзялення для пажылых лю-дзей, якое існуе пры Цэнтры сацыяльнага абслугоўвання насельніцтва. Пажылыя чытачы мелі магчымасць прынесці цікавую кнігу і абмяняць яе на іншую.

ПАМЯЦІ БРАТОЎ-АСВЕТНІКАЎ

У Дзятлаўскім гісторыка-краязнаўчым музеі праходзіць выстава “Першаасветнікі славянскія”. Яна ўшаноўвае памяць святых роўнаапостальных братоў Кірылы і Мяфодзія. На выставе дэманструюцца іконы, крыжы, перасовачныя іканастасы.

КОНКУРС ЮНЫХ ІНТЭЛЕКТУАЛАЎ

У першым дзятлаўскім дзіцячым садку праводзіўся раённы конкурс “Любознайка”. Сярод маленькіх інтэлектуалаў пераможцамі і прызёрамі сталі Улада Урбан (садок №1 горада Дзятлава), Ксенія Цівунчык (Хвінявіцкі садок), Дэвід Магбіці (садок №2 горада Дзятлава). Яны атрымалі ў падарунак энцыклапедыі ад раённага жансавета.

СЯРЭБРАНЫЯ ПРЫЗЁРЫ

У Мастах адбыўся турнір абласной спартакі-яды “Каласок” для сельскай моладзі. Паспяхова выступілі на ім дзятлаўскія валейбалісткі. Дзявочая каманда стала сярэбраным прызёрам. Рыхтаваў дзяўчат да спартакіяды трэнер Васіль Русін.

А. Радзіеўская

Последнее изменениеПонедельник, 13 июня 2016 15:33

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

Наверх
Яндекс.Метрика

Template Design © Joomla Templates GavickPro. All rights reserved.

© 2018 Газета "Принеманские вести". Все права защищены.
Joomla! - бесплатное программное обеспечение, распространяемое по лицензии GNU General Public License.